Няма нічога даражэй за родныя мясціны, нікога бліжэй і радней за бацькоў. Памятайце словы У.Караткевіча:

" Шануйце дабрыню, хай і слабую. Шануйце мудрасць, хай сабе нямоглую. Насіце на руках бацькоў... Кланяйцеся гэтым двум да долу, людзі!"

Чалавек павінен чалавеку
Радасці прыносіць кожны дзень.
                                        С. Грахоўскі

           Дарагія сябры!

    Віншую вас з пачаткам новага навучальнага года.

    Пачатак вучобы - гэта, фактычна, пачатак жыцця: новага, загадкавага, нязведанага. Дык давайце разам пісаць яго  без памылак, з чыстага ліста!  Здароўя настаўнікам, поспехаў вучням і  цярпення бацькам!

Фарбуе верасень лісты

Ў асенні колер.

Сышліся зноў і я, і ты

У роднай школе.

Купалле - момант найвышэйшага росквіту прыродных сіл. У гэты час кветкі валодаюць гаючымі ўласцівасцямі, ноччу расцвітае папараць-кветка, а на світанні сонца "грае"...

Шчасце  як і здароўе: калі яго не заўважаеш, яно ёсць.

Вось ён прыйшоў, апошні школьны дзень,
Май-чараўнік, вы паглядзіце самі,
Расквеціў ён усмешкі ў людзей
І па-сяброўску размаўляе з намі.

15 мая – Дзень сям’і

          

       Віншую ўсіх  з гэтым цудоўным святам! Няхай у вашых сям'ях не будзе месца бедам і няшчасцям, хваробам і сваркам, а   гэты дзень стане самым светлым днём у  годзе. 

Цудоўны дзень, мае сябры – 
Міжнародны дзень сям’і, 
Бо вельмі важна для людзей 
Выхоўваць у сям’і дзяцей. 
Ды там, вядома, лад заўжды пануе, 
Дзе кожны над сабой працуе, 
Імкнецца з мэтаю адзінай, 
Звязаным сэрцам быць з Радзімай, 
Вучыцца ўсё жыццё ў жыцця 
Сапраўднай моцы пачуцця. 
Са святам, кожная сям’я! 
Вішую шчыра сёння я!

                                 Вольга Літвіновіч

Наша мова

Трапяткая яна і цымбальная,
Кожным словам зіхціць, як раса.
Мілагучная, непараўнальная,
Як птушыныя песні ў лясах.

З залатымі калоссямі жытнімі
У рамонкава-казачным сне
Наша мова, вякамі спавітая,
Працінае і лашчыць мяне.
                                   Лёля Багдановіч